Matçta berençe häm soñğı alqanı Qazannıñ “Aq Bars” komandası uyınçıları kertte

(Qazan, 17 fevral', «Tatar-inform», Mixail Mironov). Bügen Rossiäneñ xokkey buyınça cıyılma komandası Olimpiä turnirında üz start matçın ottı. Vyaçeslav Bıykov sportçıları Vankuverda 8:2 isäbe belän Latviä cıyılma komandasın tar-mar itte.
Rossiä sportçıları matçnı aktiv başladı. Vyaçeslav Bıykov sportçıları 2 minut däwamında Edgaras Masal'skis qapqasın şturmladı. Sergey Fedorov Danis Zaripovqa pas birde häm “Aq Bars” forwardı Vankuverda Olimpiadada Rossiä cıyılma komandasınıñ qapqağa berençe alqanı kertte. Sergey Fedorov häm İl'ya Nikulin näticäle pas birdelär.
Aleksandr Semin “Vaşington” buyınça klubtaşı Aleksandr Oveçkinğa pas birde häm Rossiä komandası yoldızı turnirda berençe ğolın kertte.
İkençe periodta uyın näticäle bulıp toyılmadı. Latviäneñ cıyılma komandası bireşergä telämäde, ä rossiälelär kombinatsiäle uyın kürsätä almadı. Şulay da Dönya çempionnarı tağın ber alqa kertä aldı. Alqanı avtorı - Yevgeniy Malkin.
Çirattağı ğolnı Danis Zaripov kertte. Uyınnıñ 3 minutınnan soñ isäp 7:1 buldı, anı NXLnıñ tağın ber uyınçısı İl'ya Qowal'çuq kertte.
Final sirenası yañğırarğa ber minut qala 16 fevral'dä 33 yäşen bilgeläp ütkän kapitan Aleksey Morozov ğol kertte. Soñğı isäp Rossiä cıyılma komandası faydasına 8:2 buldı.
Şulay itep, rossiälelär näticälelek buyınça Kanada cıyılma komandasınıñ uyın isäben qabatladı – Olimpiada xucaları bügen üz qırlarında 8:0 isäbe belän Norvegiä komandasın tar-mar ittelär. Rossiä cıyılma komandası çirattağı matçın berse köngä Slovakiä komandasına qarşı ütkärä.
Rossiä - Latviä - 8:2 (3:0, 1:0, 4:2).
Ğollar: Zaripov (Fedorov, Nikulin), 2.38 (1:0). Radulov (Fedorov, Qalinin), 7.46 (2:0). Oweçkin (Semin), 19.25 (3:0). Malkin (Afinogenov, Qowal'çuq), 38.18 (4:0 - bol.). Vasil'yev (Nijiviy, Sipulis), 40.33 (4:1). Oweçkin (Datsyuk), 40.59 (5:1). Zaripov (Zinov'yev), 41.30 (6:1). Qowal'çuq (Malkin, Tyutin), 43.04 (7:1). Ankipans (Sprukts, Qarsums), 43.35 (7:2). Morozov (Markov), 58.57 (8:2).