Çarada Tatarstan Respublikasınıñ tönyak başqaladağı daimi wäkile Şamil Äxmätşin qatnaştı

(Sankt-Peterburg, 1 sentyabr', “Tatar-inform”, Zäriä Xäsänowa). Tönyak başqalada 21 - 31 avgustta Xalıqara ağrosänäğät «Agrorus'-2009» kürgäzmä – yärminkäse eşläde. Möhim awıl xucalığı çarasında Tatarstan Respublikasınıñ tönyak başqaladağı daimi wäkile Şamil Äxmätşin qatnaştı.
Maxsuslaştırılğan kürgäzmälärdä häm ağrosänäğät kompleksı tarmaqları ekspozitsiälärendä Tatarstan fermerları xucalıqları citeştergän awıl xucalığı produksiäse, umartaçılar rätendä neçkäbillär täqdim itkän törle çäçkä balları. Biredä, här yıldağıça, Tatarstannıñ fidaqar umartaçıları Matveevlar häm Sönäğätullinnar ğailäse berniçä urında üz säwdä mäydanın qorğan. Peterburglı Lyudmila İvanova, min härçaq Tatarstan balın alam. Ul tabiği tämle, başqalarnıqı kebek artıq ballı tügel, küñelgä timi, di. "Küzembät remont-mexaniqa zavodı " açıq aksionerlar cämğıäte citeştergän törle orlıqlarnı çistartu awıl xucalığı maşinaları, "Qarnelli" açıq şirkäte sport towarları da çarada qatnaşuçılar arasında zur qızıqsınu tudırdı. Şamil Äxmätşin kürgäzmä-yärminkädä tatarstanlılar belän oçraştı. Xalıqara ağrosänäğät «Agrorus'-2009» kürgäzmä – yärminkäsendä tatarstanlılar altın medal'lärgä layık buldı.