Başqortstan belän Tatarstan xalqı öçen şatlıqlı waqiğa buldı

(Ufa, 22 iyul', “Tatar-inform”, Fänis Fätxullin). Başqortstan belän Tatarstan xalqı öçen şatlıqlı waqiğa buldı.
Xäzer Ufa belän Tübän Qama arasında da “Qazan aviapredpriätisese” şirkäte oçqıçları üz oçışların başladı. Kiçä “L-410” oçqıçı Tübän Qama-Ufa-Yekaterinburg yunäleşendä täwge oçışın ütäde.
Äle bu oçışlar atnağa ber ğamälgä aşırılaçaq. “Qazan aviapredpriätiese” şirkäte citäkçeläre äytüençä, ägär oçışlar tabışlı bulsa, yäğni oçqıçnıñ yartısı ğına bulsa da, passajirlar belän tulsa, bu oçışlarnı yışaytu mömkinlege dä bula.
Berniçä yıl elek “Ufa-Qazan” marşrutında da oçqıçlar, ozaq qına tänäfestän soñ, qabat oça başlağan ide. Läkin atnasına öç tapqır ğına oça ide oçqıçlar. Şulay da anısına da xalıq bik quanğan ide. Ni disäñ dä, aşıqqan keşe öçen bik caylı – säğättän artıq qına waqıt eçendä ütäseñ Ufa-Qazan arasın. Ä bu yıl başınnan älege oçışlar atnasına altı tapqırğa äylände.
Xäzer inde menä Tübän Qama belän Ufa arası da yaqınaydı. “Qazan aviatsiä şirkäte”neñ oçışlarnı tağın da arttıru başlanğıçı häryäklap faydalı џђм maqtawğa layık.