Ayrat Xäyrullin citäkçelegendäge komitet äğzalarınıñ Germaniägä räsmi säfäre tögällände

(Qazan, 30 iyun', “Tatar–inform”). Däwlät Dumasıyndağı agrar mäs'älälär komitetı räiseneñ berençe urınbasarı Ayrat Xäyrullin citäkçelegendäge komitet äğzalarınıñ Germaniägä räsmi säfäre tögällände.
Ul “Söt, bäyälär quyu, söt tarmağındağı wäzğıät – citeşterü, eşkärtü, söt produksiäsen satu” digän temağa bağışlandı.
Säfär barışında Germaniä Azıq–tölek häm awıl xucalığı ministrlığı, Nemes krest'yannar berlege wäkilläre belän oçraşular ütkärelde, alarda Awropada söt citeşterüne üsterü perspektivaları xaqında fiker alışındı.
Şulay uq söt produksiäsenä bäyälär quyu, söt citeşterüçelär häm säwdä çeltärläre arasında kileşülär tözüneñ üzençälekläre, kredit uçrejdenieläreneñ qatnaşuı häm söt terlekçelegen üsterügä kreditlar birügä qağılışlı mäs'älälär tikşerelde.
İskärtep uzabız, säfär konsul'tativ xarakterğa iä ide – bezneñ illärneñ urtaq problemaları bar. Säfärdän soñ komitet äğzaları söt produksiäse citeşterü, eşkärtü häm satu ölkäsendäge problemalarnı xäl itü buyınça zakon nigezendä üz täqdimnären kertergä tieş.