Xäzer benzinnıñ 1 litrı bäyäläre 1 sumğa arttı. Ä dizel' yağulığı 50 tiengä kütärelde

(Ufa, 8 iyun', “Tatar-inform”, Fänis Fätxullin). Başqortstanda benzin häm dizel' yağulığına xaqlar kinät öskä menep kitte.
Xäzer benzinnıñ 1 litrı bäyäläre 1 sumğa arttı. Ä dizel' yağulığı 50 tiengä kütärelde. Monı yağulıq belän tä'min itüçe oyışmalar neft'kä küpläp satu bäyäläreneñ artuı belän bäyläp añlata. Başqa kürşe töbäklär belän çağıştırğanda Başqortstanda benzin häm dizel' yağulığı xaqları bolay da yuğarı ide. Misal öçen, 92 le häm 95ле benzin bäyäläre Başqortstanda, kürşe Tatarstan belän çağıştırğanda, 3,5-4 sumğa qimmäträk ide. İqtisad belgeçläre Başqortstanda yağulıq bäyäläreneñ yaqın kiläçäktä tağın da kütäreläçägen farazlıy. Şulay itep, soñğı yartı yılda azmı-küpme kimep barğan xaqlar, qabat öskä ürli.