İftar mäclesen Qazan tatarlarınıñ “İdel Ural” Mädäniät häm üzara yärdämläşü cämğıäte belän “Tatarstan” säwdä yortı oyışt&#

(Qazan, 17 sentyabr', «Tatar-inform»). Kiçä Törkiäneñ İstanbul şähärendä uzğan iftar mäclesenä watandaşlar häm Törkiä Respublikası vuzlarında uquçı Tatarstan studentları cıyıldı. İftar mäclesen Qazan tatarlarınıñ “İdel Ural” Mädäniät häm üzara yärdämläşü cämğıäte belän TRnıñ Törkiä Respublikasıyndağı Tulı wäqälätle wäkillege yaklawında “Tatarstan” säwdä yortı oyıştırdı.
Xäyriä aşı “Törkiä aşları” restoranında uzdı. Şul uq territoriädä Tatarstan Respublikası xalıqlarınıñ dekorativ-qullanma sänğat häm mädäniät üzäge urnaşuın da bilgeläp ütärgä kiräk. Mäclesne açu tantanasında izge Ramazan ayı häm yaqınlaşıp kilüçe Uraza bäyräme belän qotlawlar yañğıradı. Bäyräm çarasına Törkiäneñ törle poçmağınnan, AQŞ, Germaniä, Tatarstan Respublikasınnan kilgän watandaşlar häm qunaqlar belän bergä Törkiäneñ xaqimiät orğannarı wäkilläre, cämäğät eşlekleläre, ğammäwi mäğlümat çaraları wäkilläre qatnaştı. Xäyriä çarasınıñ däräcäle qunaqları arasında İstanbulnıñ Vitse-gubernatorları Morat Kodjabaş häm Mostafa Altıntaş, İstanbul şähäre munitsipalitetınıñ Tışqı elemtälär idaräse direktorı Sälämetdin Ermiş, İstanbul şähäre munitsipalitetınıñ Mädäniät idaräse wäkilläre h.b. da bar ide. Mäclestän soñ bezneñ watandaşlar häm studentlar qatnaşında konsert buldı.
Xäyriä aşı qısalarında Törkiä tatar diasporasınıñ möhim mäsäläläre buyınça fiker alıştılar, dip xäbär ittelär Tatarstan Respublikasınıñ Törkiä Respublikasıyndağı Tulı wäqälätle wäkillegennän.