“Rubin”nıñ baş trenerı Qorban Berdıyev traditsion matç aldı konferensiäsenä saqçı Vitaliy Qaleşin belän kilde

(Qazan, 17 fevral', “Tatar–inform”, Artur Yenikeev). “Rubin”nıñ baş trenerı Qorban Berdıyev traditsion matç aldı konferensiäsenä saqçı Vitaliy Qaleşin belän kilde.
“Bezneñ öçen bu sezondağı täwge matç, ämma komanda sezon aldı cıyınnarında zur külämdä eş başqardı, häm bezneñ qarşı quyar äyberebez bar. Östäwenä, küptän tügel komanda Çempionnar ligasında uynadı häm zur täcribä tupladı. İke komanda da tigez şartlarda bulğanğa, hawa torışı qomaçawlamayaçaq, ämma qırnıñ sıyfatı, hiçşiksez, uyınğa tözätmälär kertäçäk. Komandanıñ mömkinlekläre 50 gä 50, strategik küzlektän qarağanda uyınnı çit qırda başlaw otışlıraq, ämma jiräbä jiräbä inde ul. Komandanıñ start sostavı 90 protsentqa açıqlandı. Ciñüdän başlaw prinsipial' mäs'älä tügel, bezne 1/8 finalğa ütü dä qanäğätländerä. Canatarlar mondıy şartlarda matç aldınnan niçek cılınırğa ikänen yaxşı belä. Uyınğa bez iske avtobusta baraçaqbız”, –dide Qorban Berdıyev.
İskärtep uzabız, “Rubin” – “Xapoel'” oçraşuı 17.00 säğättä başlana.