Tatar radiosı FM kanalınıñ 107,8 Mgs yışlığında yañğırıy

(Tömän, 16 fevral', “Tatar inform”, Bibinur Sabirowa). Uzğan yılnıñ 28 nçe martında Yalutor şähäre häm anıñ tiräsendäge awıllarda, şul isäptän İsät rayonında da, yäşäwçe millättäşlärebez berençe märtäbä “Tatar radiosı” awazın işetkännär ide.
Anı oyıştırıp eşlätep kilüçe Danir Sabirov yänä ber şatlıqlı xäbär citkerde: “Tatar radiosı” radiostansiäse Yärkäw rayonında da urnaştırılğan, anıñ dulqınnarı Tübän Tüde rayonınıñ Yärkäw rayonına kürşe awıllarına da barıp citä.
Çiratta radiostansiäne Tübän Täwde rayonınıñ üzendä urnaştıru tora. Şunnan soñ Tubıl häm Wağay rayonnarında urnaştıru planlaştıyrıylgan. Wağay rayonında urnaştırılğan radiostansiäneñ dulqınnarı aña kürşe Aromaş rayonına da barıp citärgä tieş. Tatar radiosı FM kanalınıñ 107,8 Mgs yışlığında yañğırıy.
Şulay itep, Tömänneñ üzendä tügel, ölkä üzägen çitläp urap bara radiostansiäläre belän Danir. Säbäbe şul: dulqınnarnı yıraq rayonnarğa taratuçı radiostansiäse bulğan Tömändä litsenziä birmi toralar.