İrina Polyakova häm Ruşan Miñneğulow çañğı häm biatlon yarışlarında qatnaşa

(Qazan, 15 fevral', «Tatar-inform»). 17 fevral'dä İrina Polyakova häm Ruşan Miñneğulow Qazannan Mäskäwgä kitä, annarı alar Paraolimpiä cıyılma komandası sostavında Vankuverğa yul totaçaq.
Tatarstannıñ ike sportçısı da çañğı häm biatlon yarışlarında qatnaşa. Bu Uyınnar İrina Polyakovanıñ sport kar'yerasında dürtençese inde. Sportçınıñ komanda zaçetında Solt-Leyk-Sitinıñ kömeş medale häm Turinnıñ altın medale bar inde. Saba rayonında tuıp-üskän 17 yäşlek Ruşan Miñneğulow Paraolimpiä uyınnarında berençe tapqır qatnaşa. Sportçı Rossiä cıyılma komandası sostavına uzğan yıl Rossiä çempionatı näticäläre buyınça eläkkän, dip xäbär itä TR Yäşlär eşläre, sport häm turistlıq ministrlığınıñ matbuğat xezmäte.
İskä töşerep ütäbez, 18 fevral'dä Rossiä cıyılma komandasın Vankuverda uzaçaq X Paraolimpiä uyınnarına tantanalı ozatu bula.
2010 yıl Olimpiadasında Tatarstannı 4 sportçı täqdim itä. Alar - ike tör yarış buyınça Niäz Näbiew gemoglobin däräcäse yuğarı bulu säbäple, berençe startta qatnaşmadı, şulay uq “Aq Bars” xokkeyçıyları Алексей Морозов, Danis Zaripov Häm İl'ya Nikulin. Tağın ber zapastağı “barslı” Aleksey Tereşçenko Vankuverda uynamaçaq.