1989 yılnıñ 15 fevralendä sovet ğaskärläreneñ soñğı kolonnası Äfğanstannan çığarıla

(Qazan, 15 fevral', “Tatar–inform”). Bügen – Suğışçı–internatsionalistlarnı iskä alu köne. Bu xaqta calend.ru saytında xäbär itelä. 1989 yılnıñ 15 fevralendä sovet ğaskärläreneñ soñğı kolonnası Äfğanstannan çığarıla. İlebez älege xärbi konfliktta 14 meñnän artıq soldat häm ofitserın yuğalta. Sovetlar Soyuzı häm Rossiäneñ meñlägän xärbi xezmätkäre başqa illärdäge qorallı konfliktlarda häläk bula.
Suğış küp kenä soldatlarnıñ tormışın çelpärämä kiterä. Bernigä dä karamastan, alar üzläreneñ grajdanlıq burıçın namus belän üti, xärbi antına axırğaça tuğrı qala. “Qaynar noqtalar” alarnıñ Böek Watan suğışı yıllarında faşizmnı ciñgän ätiläre häm babaylarınıñ batırlığına layıklı ikänen kürsätte.
Älege suğışta üzläreneñ yaqınnarın, irlären, balaların yuğaltuçılarnıñ tirän qayğısın urtaqlaşabız.