Kvalifikatsiä kütärü kursların Tatarstan agrobiznes kadrlarınıñ belemen arttıru institutı oyıştırdı

(Qazan, 11 fevral', «Tatar-inform», İrina İgnat'yeva). İrtägä TR awıl xucalığı produksiäsen äzerläw häm sıyfatı buyınça inspektorlar kvalifikatsiälären kütärü kursların tögälli. bu xaqta “Tatar-inform” mäğlümat agentlığı xäbärçesenä institut rektorınıñ fänni-tikşerenü eşläre buyınça urınbasarı Vladimir Fomin belderde.
Kurs citäkçeläre bügenge köndä TR häm RF da zur külämdä awıl xucalığı produksiäse citeşterelä, ämma barısı da sıyfatı buyınça zamana taläplärenä turı kilmäwenä zur iğtibar birdelär. Şulay itep, Rossiä yıl sayın eksportqa 20 million tonnağa yaqın aşlıq cibärä. Kiläçäktä bu tör produksiäneñ sıyfatı yaxşırtılsa, 30-40 tonnağa qadär citkerergä kiräk.
İnspektorlar 2009 yılda TR ağrosänäğät xezmätkärläre ireşkän citeşterü näticäläre häm ağımdağı yılğa quyılğan burıçlar belän tanıştı. Alarğa ekologik menedjment, awıl xucalığı bazarlarınıñ xäle häm üseşe, awıl xucalığı produksiäseneñ däwlät standartları, söt häm söt produksiäseneñ texnik reglamentı turında söylädelär. Monnan tış, inspektorlar ikmäk qabul itü punktları, it kombinatları, äzerläw kontoraları h.b. belän awıl xucalığı produksiäsen tapşıru buyınça kileşülär tözü prinsipları belän tanıştı.
Kurslarğa yörüçelär tügäräk östäl barışında täcribäläre belän urtaqlaştılar. TR Awıl xucalığı häm azıq-tölek ministrlığı tarafınnan respubliqa rayonnarında awıl xucalığı produksiäseneñ sıyfatın bilgeli torğan bäysez laboratoriälär açu qararı qabul itelüe xaqında da belderdelär.