Parlament başlığı Vsevolod ataqaynı may çabu atnası başlanu belän qotladı

(Qazan, 10 fevral', “Tatar–inform”). Bügen TR Däwlät Sovetı Räise, Tatarstan Xalıqları assambleyası başlığı Färit Möxämmätşin Raifa irlär Bogoroditsa monastıyre namestniğı, arximandrit Vsevolodnı qabul itte.
Parlament başlığı Vsevolod ataqaynı may çabu atnası başlanu belän qotladı. Ul Tatarstan ruxanienıñ respublikada millätara häm konfessiäara tatulıqnı saqlawğa zur öleş kertüen bilgeläp ütte.
“Üzeneñ zur säläte arqasında Vsevolod ataqay pravoslavie çirkäwen torğızuda küp kenä citäkçelärneñ yärdämen aluğa ireşte. Anıñ tırışlığı näticäsendä Raifa monastıyre xac qılu üzägenä äwerelde, anda kön sayın ilneñ törle töbäklärennän küp sanda turistlar kilä”, – dip assızıqladı F.Möxämmätşin. Däwlät Sovetı Räiseneñ süzlärenä qarağanda, ul üze dä Vsevolod ataqaynıñ yuğarı ruxi sıyfatlarğa iä keşe buluına küp märtäbälär inanğan. “Min anıñ belän dini temağa küp tapqırlar fiker alıştım”, – dide parlament başlığı. Däwlät Sovetı spikerı Vsevolod ataqaynıñ tağın ber gumanitar missiäsen yuğarı bäyäläde – anıñ tırışlığı näticäsendä Raifada törle yıllarda küp sanda yätim balalar häm yäşüsmerlär sıyınu urını tapqan.
Färit Möxämmätşin arximandrit Vsevolodqa zur xezmätläre öçen TR Däwlät Sovetı Räiseneñ Räxmät xatın tapşırdı. “Sezgä respublikabıyznıñ ruxi traditsiälären nığıtuğa sizelerlek öleş kertüegez, aktiv ağartu häm kiñ xäyriä eşçänlege alıp baruığız, sotsial' xezmät kürsätüneñ idealları häm qimmätlärenä tuğrılıq saqlawığız, grajdannar arasında tatulıqnı nığıtuığız häm cämğıättä näticäle konfessiäara dialog buldıruığız öçen ixlas küñeldän räxmät belderäm. Sezgä nıqlı sälämätlek, uñışlar, iminlek häm ozın ğomer, üzegez saylağan yulda näticäle eşçänlek teläp qalam”, – dielä Räxmät xatında.
Parlament başlığı Vsevolod ataqayğa TR Däwlät Sovetınıñ istälek medalen häm Bibliäneñ büläk basmasın tapşırdı. Oçraşu çäy tabını artında däwam itte.
Oçraşuda şulay uq Däwlät Sovetı Räise urınbasarı Aleksandr Gusev, Däwlät Sovetı sekretare Liliä Mavrina, parlamentnıñ däwlät tözeleşe häm cirle üzidarä komitetı citäkçese Valentina Lipujina qatnaştı, dip xäbär itä TR Däwlät Sovetınıñ matbuğat xezmäte.