Bügen hawa transportı xezmätkärläre üzläreneñ hönäri bäyrämnären: Rossiä Grajdannar aviatsiäse könen bilgeläp ütä

(Qazan, 9 fevral', “Tatar–inform”, İrina İgnat'yeva). Bügen “Qazan” Xalıqara aeroportı” AACndä hawa transportı xezmätkärläreneñ hönäri bäyräme – RF Grajdannar aviatsiäse köne uñayınnan grajdannar aviatsiäse veterannarın xörmätlädelär. Tantanağa 200 gä yaqın keşe cıyılğan ide. Bu xaqta “Tatar–inform” agentlığına aeroporttan xäbär ittelär.
Elekkege oçuçı häm bortinjenerlarnı hönäri bäyrämnäre belän Tatarstan hawa transportı töbäqära territorial' idaräse başlığı Şäwkät Ümärow täbrikläde. “Qazan” Xalıqara aeroportı” AAC general' direktorı Aleksey Starostin veterannarğa sälämätlek, ozın ğomer häm küñel kütärenkelege teläde. “Tatarstan” aviakompaniäse general' direktorı Waleri Portnov hawa transportınıñ elekkege xezmätkärläreneñ üzlärenä layıklı almaş äzerläwenä basım yasadı.