Tübän Qama uquçıları ingliz telen yaxşı belülären kürsätte

8 Fevral' 2010 г., 11:00

(Tübän Qama, 8 fevral', “Tatar–inform”, Sergey Tolmatskiy). Tübän Qama uquçıları Qazanda uzğan “İngliz telendä söyläşäbez häm cırlıybız” digän respubliqa festivale laureatları arasına kerde.
34 nçe gimnaziädä belem aluçılar “Cır” nominatsiäsendä öçençe urınnı yauladı, alarğa diplomnar häm qimmätle büläklär tapşırıldı. Yäşüsmerlär şulay uq konkursnıñ yomğaqlaw ğala–konsertında Tübän Qama danın yaklayaçaq.
Tübän Qama munitsipal' rayonında “İngliz telendä söyläşäbez häm cırlıybız” festivaleneñ saylap alu turları uzğan yılnıñ noyabrendä ütte. Anda urta sıynıflarda belem aluçı 200 dän artıq uquçı qatnaştı. Näticädä, 5 belem uçağı komandasına respubliqa konkursında qatnaşu bäxete yılmaydı, alar arasında gimnaziädä uquçılar iñ yaxşılar rätenä kerde.