Tatarstanda ber atnada sötneñ tulay sawımı 3183,8 tonna täşkil itkän

8 Fevral' 2010 г., 10:03

(Qazan, 8 fevral', “Tatar–inform”, İrina İgnat'yeva). Tatarstanda ber atnada sötneñ tulay sawımı 3183,8 tonna täşkil itkän. Bu uzğan yılğı kürsätkeçkä qarata 113 protsent täşkil itä. Bu xaqta “Tatar–inform” agentlığına TR Awıl xucalığı häm azıq–tölek ministrlıygınnan xäbär ittelär.
Respubliqa buyınça ber sıyırdan urtaça 12,5 kilogramm söt sawıp alınğan, bu uzğan yılğa qarağanda 1,4 kilogrammğa artıq. Bu ölkädä Älki rayonı terlekçeläre äydäp bara. Alar 196,6 tonna söt citeştergän. Baltaç häm Arça rayonnarında älege kürsätkeç – 140,8 tonna, Quqmara rayonında – 129,4 tonna, Yäşel Üzän rayonında 127,8 tonnağa tigez.
TR Awıl xucalığı häm azıq–tölek ministrlığı belgeçläre fikerençä, Tatarstannıñ Täteş, Leninogorsk, Spas, Yutazı häm başqa rayonnarı terlekçelärenä söt citeşterü buyınça kürsätkeçlärne yaxşırtırğa kiräk.
Şäxsi xucalıqlar uzğan täwlektä qabul itü punktlarına 308,1 tonna söt ozatqan. Arça rayonı şäxsi yärdämçe xucalıqları – 26,2 tonna, Biektaw rayonı – 24, Çüpräle rayonı – 20, Baltaç rayonı – 15,7, Çistay rayonı şäxsi xucalıqları 15 tonna söt citeştergän.