“Tatarstannıñ elitalı orlıqları” assotsiatsiäse 12 yıllıq eşçänlegenä näticä yasadı

5 Fevral' 2010 г., 17:18

(Qazan, 5 fevral', “Tatar–inform”, İrina İgnat'yeva). “Tatarstannıñ elitalı orlıqları” assotsiatsiäse 12 yılda başqarğan eşçänlegenä näticä yasadı. Assotsiatsiä tarafınnan eşlängän orlıqçılıqnıñ yaña sistemasın TR proizvodstvosına kertüneñ iqtisadi näticälelege 5389,3 million sum täşkil itkän. Bu xaqta “Tatar–inform” agentlığına vedomstvonıñ general' direktorı Yuri Yerov xäbär itte.
Yaña sortlar häm sıyfatlı orlıqlar qullanu näticäsendä östämä räweştä alınğan produksiä xisabına 5224 million sum aqça kergän. Soñğı 10 yıl eçendä kertelgän yaña sortlarnıñ uñdırışlılıqnı arttıruı xisabına östämä räweştä 3604,9 million sumlıq 1030,1 meñ tonna aşlıq suqtırılğan. Yaña tör maşinalar qullanışqa kertü näticäsendä alınğan orlıqlarnıñ sıyfatın arttıru xisabına östämä räweştä 1619,3 million sumlıq 502,5 meñ tonna aşlıq cıyılğan. Yaña buın maşinalar eşläp çığaruğa 10,7 million sumlıq 366 tonna metall yanğa qaldırılğan.
Eşläp çığarıla torğan maşinalarnıñ bäyäse tübän bulu näticäsendä satıp aluçılarnıñ 146,6 million sum aqçası, faydalanuğa tapşırılğan aşlıq–orlıq çistartu liniäläre häm kompleksları xisabına 2,4 million sumlıq 1597,1 meñ kilovatt elektr energiäse yanğa qaldırılğan.