Tatarstanğa “Pandeflyu” häm “Mono Grippol Plyus” vaksinalarınıñ tağın ike partiäse qayttı

5 Fevral' 2010 г., 16:17

(Qazan, 5 fevral', “Tatar–inform”, Emma Sitdıyykova). Tatarstanğa tağın 115 meñ doza “Pandeflyu” vaksinası häm 150 meñ doza “Mono Grippol Plyus” vaksinası qayttı.
Vaksina “Tattexmedfarm” däwlät unitar predpriätiese skladlarına qayttı häm yaqın könnärdä anı respubliqa däwalaw uçrejdenieläre alaçaq, dip xäbär ittelär bügen “Tatar–inform” agentlığına “Tattexmedfarm” däwlät unitar predpriätiesennän.
Älege vaksina belän 3–7 yäşlek balalar, yökle xatınnar, mäktäp uquçıları, xezmät kürsätü ölkäsendä eşläwçelär häm başqalarğa privivqa yasalaçaq.
Tabiblar raslawınça, duñğız grippına qarşı privivqa yasatırğa älegä soñ tügel. Vaksina yasatqannan soñ barlıqqa kilgän immunitet ber ay däwamında saqlana. Xäzer immunizatsiä öçen yaxşı çor. Duñğız grippı yoqtıru oçraqları bıyılnıñ ğinwarınnan birle terkälmägän.