Başqortstan prezidentı Röstäm Miñnexanownı qotladı

5 Fevral' 2010 г., 08:24

(Ufa, 5 fevral', “Tatar-inform”, Fänis Fätxullin). Başqortstan prezidentı Mortaza Räximow Röstäm Miñnexanowqa TR Prezidentı wäqälätlären birü belän qotlap telegramması cibärde. Anda bolay dielgän:”Xörmätle Röstäm Nurğaliewiç! Sezne Tatarstan Respublikası Prezidentı wazıyfasına raslanuığız belän ixlas qotlıym! Däwlät Sovetı deputatlarınıñ Sezgä kürsätelgän berdäm xuplawı küçä kilüçänlekkä, sotsial'-iqtisadi progressnıñ arıtaba üseşenä, xalıqnıñ yäşäw däräcäse kütärelüenä ömet itüçe respubliqa xalqı ışanıçın çağıldıra.
Bez Sezne bik yaxşı däwlät eşleklese, proizvodstvo häm idarä eşçänlegendä zur täcribäle säyäsätçe bularaq beläbez. Bu yaña wazıyfada Sez Tatarstannıñ alğarışlı üseşenä, tuğandaş respublikalarnıñ küpyäklı xezmättäşlegen kiñäytügä zur öleş kertäçägegezgä ışanabız.
Sezgä nıqlı sälämätlek, iminlek häm bäxet, Tatarstan Respublikası häm böten Rossiä iminlege xaqına cawaplı eşegezdä zur uñışlar telim!”.