“İslam kitabı” näşriätı produksiäse Misırda zur qızıqsınu uyatqan

2 Fevral' 2010 г., 16:14

(Qazan, 2 fevral', “Tatar–inform”). Rossiä Möftilär şurasınıñ Misırdağı wäkile Rubin Mönirow xäbär itkänçä, 42 nçe Qahirä Xalıqara kitap kürgäzmäse uñışlı uza. Rossiä Möftilär şurasınıñ “İslam kitabı” näşriätı produksiäse oyıştıruçılar häm kürgäzmä qunaqlarında zur qızıqsınu uyatqan.
“İslam kitabı” näşriätı stendı Misır Däwlät kanalı häm öç sputnik telekanalı, şulay uq ike radiokanalğa täqdim itelgän. Kürgäzmä qunaqları Rossiädäge islam, Rossiä Möftilär şurası eşçänlege, bezneñ taraftan täqdim itelgän kitap produksiäse belän bik qızıqsına. Möfti şäyex Rawil Gaynetdinneñ “XXI ğasırda islam yäki Rossiädä möselmanğa Qorän buyınça niçek yäşärgä”, “Täfsir” kitapları häm Qoränneñ tärcemäse ayıruça zur qızıqsınu uyattı”, – dip assızıqladı ul.
“Küp kenä qunaqlar Rossiä möselmannarınıñ şundıy bay kitap assortimentı buluına ğacäplänüen belderde”, – dip xäbär itte Rossiä Möftilär şurasınıñ Misırdağı wäkile Rubin Mönirow. Bu xaqta Rossiä Möftilär şurasınıñ räsmi saytında xäbär itelä.