Tatarstanda ber täwlek eçendä 3170,1 tonna söt citeşterelgän

1 Fevral' 2010 г., 09:26

(Qazan, 1 fevral', “Tatar–inform”, İrina İgnat'yeva). Tatarstanda ber täwlek eçendä 3170,1 tonna söt citeşterelgän. Bu uzğan yılğa qarata 113 protsent digän süz. Bu xaqta “Tatar–inform” agentlığına TR Awıl xucalığı häm azıq–tölek ministrlıygınnan xäbär ittelär.
Respubliqa buyınça ber sıyırdan urtaça 12,5 kilogramm söt sawıp alınğan, bu uzğan yılğıdan 1,4 kilogrammğa kübräk.
Bu ölkädä Baltaç rayonı fermalarında eşläwçelär iñ yuğarı näticälärgä ireşä. Anda ber sıyırdan sawıp alınğan sötneñ küläme 18,1 kilogrammğa citä. Ätnä rayonında älege kürsätkeç – 16,4, Yuğarı Oslan rayonında – 15,4, Quqmara häm Saba rayonnarında – 15,3, Aqtanış rayonında – 14,8, Yäşel Üzän rayonında – 14,6, Älki rayonında 14,1 kilogrammğa tigez.
Ministrlıykta Leninogorsk, Täteş, Spas, Yutazı, Balıq Bistäse häm başqa qayber rayonnarda sawım sıyırlarınıñ produktlıylıygın yaxşırtırğa kiräk, dip sanıylar. Älege rayonnarda ber sıyırdan täwlegenä 9–10,3 kilogramm söt sawıp alalar.
Şäxsi xucalıqlar uzğan täwlektä 313,8 tonna söt satqan. Arça rayonı şäxsi xucalıqları qabul itü punktlarına – 25,5 tonna, Baltaç rayonı – 24,9, Çüpräle rayonı – 20, Saba rayonı – 15, Balıq Bistäse rayonı xucalıqları 10,1 tonna söt ozatqan.