Tatarstannıñ veterinariä tabibları üzläreneñ hönäri ostalığın arttıra

29 Ğinwar 2010 г., 08:22

(Qazan, 29 ğinwar, “Tatar–inform”, İrina İgnat'yeva). Tatarstannıñ veterinariä tabibları üzläreneñ hönäri ostalığın arttıra. Tatarstan agrobiznes kadrların yañadan äzerläw institutı bazasında TR ağrosänäğät kompleksı predpriätieläreneñ veterinariä tabibları öçen kurslar başlana. Bu xaqta “Tatar–inform” agentlığına kurslarnıñ citäkçese, professor Rafael' İsxakov xäbär itte.
R.İsxakov xäbär itkänçä, bu bıyılğı qışta institutta yañadan äzerlek uzaçaq veterinariä tabiblarınıñ ikençe ağımı.
Veterinariä tabibların terlekçelek ölkäsendäge yaña texnologiälär, zamança darular, terleklärdäge ayıruça qurqınıç awırularnı (mögezle ere terlek leykozı, duñğız grippı häm başqalar) kisätüdä aldınğı alımnar belän tanıştıraçaqlar. Terleklärne däwalawçı belgeçlär şulay uq mallarnı aşatu häm veterinariä maqsatlarında laborator tikşerülär ütkärü ölkälärendä üz belemnären arttıraçaq.