Mintimer Şäymiew Rossiäneñ iñ yaxşı lobbistları arasına kerde

26 Ğinwar 2010 г., 11:04

(Qazan, 26 ğinwar, “Tatar–inform”). İqtisadi yañalıqlar agentlığı kommersiä häm däwlät strukturaları wäkilläre, deputatlarnıñ bilgele ber strukturalar, tarmaqlar, töbäklär yäki cämğıät qatlawlarınıñ mänfäğätlären çağıldıruçı proektlar buldıruğa yunälderelgän eşe ni däräcä näticäle buluın tikşerüne däwam itä.
Tatarstan Prezidentı Mintimer Şäymiew Rossiäneñ iñ yaxşı lobbistları arasına kerde. Ul uzğan yılnıñ dekabr' ayı näticäläre buyınça “Lobbistlar – töbäk liderları” nominatsiäsendä näticälelege iñ yuğarı lobbistlar isemlegendä ikençe urınnı bili. Mäsäkü merı Yuri Lujkov – berençe urında. Sankt–Peterburg gubernatorı Valentina Matvienko häm Kemerowo ölkäse başlığı Aman Tuleev öçençe urınnı büleşä. Bu xaqta “Nezawisimaya gazeta” yaza.
“Lobbistlar – yuğarı wazifa biläwçelär” nominatsiäsendä RF Xökümäte Apparatı başlığı Sergey Sobyänin – berençe, RF Prem'yer–ministrınıñ berençe urınbasarı İğor Şuvalov – ikençe, RF Prezidentı Administratsiäse başlığı Sergey Narışkin öçençe urında.