M.Şäymiew RF Prezidentın TR Prezidentı wazıyfasına anıñ kandidaturasın qaramawın soradı

22 Ğinwar 2010 г., 16:14

(Qazan, 22 ğinwar, «Tatar-inform»). RF Prezidentı Dmitriy Medvedev Mintimer Şäymiewneñ üz kandidaturasın üze kire qağu belän bäyle räweştä Tatarstan Prezidentı wazıyfasına respublikanıñ Prem'yer-ministrı Röstäm Miñnexanownı täqdim itäçäk. Bu xaqta ИТАР-ТАСС belderä.
Bügen Däwlät Sovetı utırışınnan soñ däwlät başlığı Tatarstan Prezidentı belän anıñ sorawı buyınça eşlekle oçraşu ütkärde, dip xäbär itte däwlät başlığınıñ matbuğat sekretare Natal'ya Timaqowa. Xäzerge waqıtta respubliqa Prezidentınıñ wäqälätläre waqıtı çığu belän bäyle räweştä Tatarstan citäkçese wazıyfasına kandidaturalar Prezident qarawında, dip iskä töşerep ütte ul.
“Mintimer Şäymiew RF Prezidentına TR Prezidentı wazıyfasına anıñ kandidaturasın qaramawın sorap möräcäğät itte”, - dip belderde Timaqowa. Ul Dmitriy Medvedevnıñ Federal' Cıyınğa Yullamasında beldergän kursnı xuplıym, dip añlatıp ütte häm yäş buın säyäsätçelärgä üzlären kürsätergä mömkinlek birergä kiräk dip sanıy, dip xäbär itä «İnterfaks». “M.Şäymiew däwlät başlığına respubliqa belän citäkçelek itkän waqıtta beldergän ışanıçı häm yärdäme öçen räxmät belderde”, - di matbuğat sekretare.