Sankt-Peterburg Tatar moxtäriäte ğuzälen saylıy

22 Ğinwar 2010 г., 11:00

(Sankt-Peterburg, 22 ğinwar, “Tatar-inform”, Zäriä Xäsänowa). Sankt-Peterburg Tatar milli-mädäni moxtäriäte, räise Räis Yarkäev, moña qadär millättäşlär tönyak başqalada ber dä ütkärmägän mädäni çara oyıştırırğa buldı. Älege mädäni çara "Peterburg güzäle - 2010" ne açıqlawğa yunältelgän.
Üzençälekle bäygeneñ töp maqsatı - tatar qızları arasında ğailä qimmätlären, milli häm dini yolalarnı saqlawçı, kiläçäktä yaxşı xatın häm ana bulaçaq, şul uq waqıtta, uñışqa ireşüçe, aqıllı häm zaman xanımına äylänäçäk sılularnı saylaw. Maturlıq bäygesendä tatar cämäğätçelege sälätle, tatar xalqı mädäniäten häm ğoref-ğadätläre, yolaların belgän yaxşı tärbiä alğan, zıyalı qızlarnı küräçäk, dip ömetlänä çaranı oyıştıruçılar. "Peterburg güzäle - 2010"ne mart ayında ütkärü küz uñında totıla.