Uzğan atnada Tatarstanda ekologiä ölkäsendä 537 xoquq bozu oçrağı açıqlanğan

23 Noyabr' 2009 г., 14:00

(Qazan, 23 noyabr', “Tatar–inform”, Liliä Markelova). Ekologiä militsiäse xezmätkärläre uzğan atnada Tatarstanda ekologiä häm tözekländerü ölkäsendä 537 administrativ xoquq bozu oçrağın açıqlağan. Bu xaqta “Tatar–inform” agentlığına TR Eçke eşlär ministrlığınıñ Äylänä–tirä moxitne saqlaw ölkäsendä xoquq bozularğa qarşı köräş idaräse ştabınnan xäbär ittelär.
395 oçraqta munitsipal' rayonnar häm şähär okrugların tözekländerü qağidäläre bozılğan. Bu yulı mondıy faktlarnıñ kübese Qazanda häm şähär yanında, Çallı, Älmät, Tübän Qama häm Alabuğada açıqlanğan.
7 epizod cir kişärleklären röxsätsez tartıp alu belän bäyle. 10 oçraqta xoquq bozuçılar awçılıq qağidälären, 45 oçraqta – tışqı mäğlümatnı urnaştıru tärtiben, 59 oçraqta säwdä qağidälären bozğan öçen administrativ cawaplılıqqa tartılğan.