449 oçraqta munitsipal' rayon häm şähär okrugların tözekländerü qağidäläre ütälmägän

(Qazan, 9 noyabr', “Tatar-inform”, Liliä Markelova). Uzğan atnada Tatarstanda ekologiä militsiäse xezmätkärläre ekologiä häm tözekländerü ölkäsendä 540 xoquq bozu oçrağı açıqlağan. Bu xaqta “Tatar-inform” agentlığı xäbärçesenä TR Eçke eşlär ministrlığınıñ äylänä-tirä moxitne saqlaw ölkäsendä xoquq bozularğa qarşı köräş idaräse ştabında xäbär ittelär.
449 oçraqta munitsipal' rayon häm şähär okrugların tözekländerü qağidäläre ütälmägän. Bu yulı mondıy faktlarnıñ kübese Qazan, şähär yanı territoriälärendä, Älmät, Çallı häm Tübän Qama häm Alabuğada açıqlanğan.
9 oçraqta röxsätsez cir uçastokları biläp alu belän bäyle. 2 oçraqta xoquq bozuçılarnı su obyektların saqlaw qağidälären ütämägän öçen, 25 oçraqta tışqı mäğlümat urnaştıru tärtiben bozğanğa, 50 oçraqta säwdä itä qağidälären bozğanğa administrativ cawaplılıqqa tartqannar.